Lirama

Kaulana ku'u home puni Waipi'o
Me nā pe'a nani o ka 'āina
Kākela he hale ali'i
Herode ko'u hoalike
Mō'ī puni ha'akei

Kukuna o ka lā ko'u kapa 'ia
E 'ōlino nei a puni ka honua
Aue a'i luna lilo
Lihi launa 'ole mai
Nā ali'i nui o ke ao

E o'u mau kini nā makamaka
Me nā kupa o ku'u 'āina
Me ka wailele a'o Hi'ilawe
Ko'iawe maila 'i luna
Ko'iawe mau i ka pali

'A'ole pēlā ka 'oia'i'o
Haku'epa loko'ino o ka makamaka
Ua like nō a like
Me nā kini lehulehu
O ku'u one hānau

E ola māua me a'u kini
Me a'u lei o nei 'āina
Pulupē i ka hunakai
Ka i'a mili i ka lima
Heha Waipi'o i ka noe

Ha'ina 'ia mai ana ka puana
No ka lei hapa pua Sēpānia
He kupa no ka 'āina
E kipa mai ma loko
Hale'iwa beautiful home